Friday, August 11, 2006

ഉറക്കത്തില്‍ നിന്നും രക്ഷപെടാന്‍ നടത്തിയ ഒരക്രമം.

[ കമ്പ്യൂട്ടറിന്റെ ഉപയോഗം മനുഷ്യമനസ്സുകളില്‍ ചെലുത്തുന്ന സ്വാധീനത്തെപ്പറ്റി ഒരു കഥയിലൂടെ സംവദിക്കാനും company വക training കാലകേയവധത്തിനിടയില്‍ ഉറങ്ങാതെ രക്ഷപ്പെടാനും വര്‍ഷങ്ങള്‍ക്കു മുന്‍പു നടത്തിയ ഒരു എളിയ അക്രമം.]

ONE DAY TRIAL VERSION OF A COMPUTER PROFESSIONAL

രാവിലെ Sun Microsystem-ത്തിന്റെ കിരണങ്ങളുടെ hot java windows-ല്‍ കൂടി ശരീരത്തില്‍ പതിച്ചപ്പോഴാണു ഉറക്കത്തില്‍ നിന്ന് exit ചെയ്തത്‌. പുറത്ത്‌ പക്ഷികളും മനുഷ്യരുമെല്ലാം Active-X ആയെന്നു തോന്നുന്നു. പലതരം sound waves-കളുടെ ഒരു ബഹളം. ഇന്നലെ status bar-ല്‍ നിന്നും ഒരു full screen Whis-key അടിച്ചു വന്നതാണ്‌. Fit-ആയി ഒരു Wallpaper-ഉം വച്ച്‌ Desktop-ല്‍ കിടന്നുറങ്ങിയതാണ്‌. ഇത്ര വൈകുമെന്ന് വിചാരിച്ചില്ല. ഇനി 9:30-ന്റെ Outlook Express പിടിക്കാനാവുമെന്നു തോന്നുന്നില്ല. ഇന്നു ലേറ്റ്‌ ആയതു തന്നെ. Jboss-ന്റെ ശകാരത്തില്‍ നിന്ന് രക്ഷപ്പെടാന്‍ ഒരു Fuzzy Logic-ഉം തോന്നുന്നില്ല.

എന്തായാലും Morning programs execute ചെയ്തു തുടങ്ങാമെന്നു വിചാരിച്ച്‌ Paint brush എടുത്തപ്പോഴാണു clip board-ല്‍ വച്ചിരുന്ന paste കാണാനില്ല. Paste തീരാറായതുകൊണ്ട്‌ മിക്കവാറും Eudora എടുത്തു Recycle bin-ല്‍ ഇട്ടു കാണും. താന്‍ ഈെയിടെയായി വളരെ Microsoft ആയി പെരുമാറുന്നതുകൊണ്ടാണെന്നുതോന്നുന്നു, അവള്‍ക്ക്‌ ഈയിടെയായി ഒരു ശ്രദ്ധയുമില്ല.

മനസ്സില്‍ Eduora-യെയും ശകാരിച്ചുകൊണ്ട്‌ വീടിന്റെ Front page-ലേയ്ക്ക്‌ വന്നപ്പ്പോഴാണ്‌ ആരോ കോളിംഗ്‌ ബെല്ലില്‍ click ചെയ്യുന്ന ശബ്ദം കേട്ടത്‌. പുറത്തേക്കു വന്നപ്പോള്‍ ആരെയും കണ്ടില്ല. ദൂരെ main റോഡിലേക്കുള്ള X-path ലൂടെ ആരോ run ചെയ്യുന്നു. ആരാണെന്നു മനസ്സിലാകുന്നില്ല. ഈയിടെയായി Eye-con-നു തീരെ കാഴ്ച കുറവാണ്‌. Powerpoint കൂടിയ ഗ്ലാസ്സ്‌ വക്കേണ്ടി വരുമെന്നാണു Dr. Watson പറഞ്ഞത്‌. തിരിഞ്ഞ്‌ നടക്കവേ അടുത്തറൂമില്‍ നിന്നും പെട്ടെന്ന് കരച്ചിലിന്റെ ഒരു MP3 file . നോക്കിയപ്പോള്‍ Eduora-products version 1-ഉം version 2-ഉം ആണ്‌. Version 1 deadlock ആയ ഒരു mouse-നെയും drag ചെയ്തുകൊണ്ട്‌ അങ്ങോട്ടുമിങ്ങോട്ടും നടക്കുന്നു. ഇതുകണ്ടുപേടിച്ചു version 2 കരച്ചിലിന്റെ ഒരു demo നടത്തിയതാണ്‌. അതു Maximize ചെയ്യുന്നതിനുമുമ്പ്‌ താന്‍ വന്നതുനന്നായി. അവരെ ഒരുവിധത്തില്‍ ഒതുക്കിയ ശേഷം version 1 നെ റൂം വൃത്തിയാക്കാനുള്ള task bar ഏല്‍പ്പിച്ചു. ചത്ത mouse-നെ എന്തുചെയ്യും? പതുക്കെ mouse pointer-ല്‍ പിടിച്ച്‌ തൂക്കിയെടുത്തു Recycle bin-ല്‍ ഇട്ടു. Eudora-യ്ക്ക്‌ ഒരു work sheet ആകട്ടെ.

തന്റെ സമയം അതിക്രമിക്കുന്നു. എങ്ങനെയെങ്കിലും process-കള്‍ പൂര്‍ത്തിയാക്കി, വൈകുന്നേരം നേരത്തേ വരുമെന്ന് Eduora-യ്ക്ക്‌ Word-ഉം കൊടുത്ത്‌ home page-ല്‍ നിന്ന് ഇറങ്ങി. Outlook Express എപ്പോഴേ പോയിക്കഴിഞ്ഞു. ഇനിയിപ്പോള്‍ P-N junction വരെ നടന്നാല്‍ അടുത്ത FOR-TRAN-സ്പോര്‍ട്‌ ബസ്സ്‌ പിടിക്കാം.

ബസ്സിലിരുന്ന് ഉറങ്ങിപ്പോയി. ഇടയ്ക്ക്‌ ഞെട്ടിയുണര്‍ന്ന് പുറത്തേക്കു നോക്കിയപ്പോള്‍ നഗരസഭയുടെ System clock-ല്‍ സമയം 10:30. ബസ്സ്‌ ആണെങ്കില്‍ ഇഴയുന്നു. Bus-speed ഇത്രയും കുറയാന്‍ പറ്റുമോ?. ഈ bus-ന്റെ device driver പണ്ടെങ്ങോ തന്റെ ശത്രുവായിരുന്നിരിക്കണം.

ഒരു വിധത്തില്‍ Ms office-ലെത്തിയപ്പോള്‍ സമയം 11:30. പാന്റ്രിയില്‍ കയറി ഒരു കപ്പ്‌ Macaffe-യും കുടിച്ച്‌ അകത്തു കയറി. എല്ലാവരും തന്നെ വിഷ്‌ ചെയ്യുന്നു. താനൊന്നിലും ഒരു Expert System അല്ലെങ്കിലും തന്റെ Artifitial intelligence-നെ ക്കുറിച്ച്‌ എല്ലാവര്‍ക്കും അറിയാം. അതുകൊണ്ടു എല്ലാവര്‍ക്കും ഒരു പ്രത്യേക ബഹുമാനം ഉണ്ട്‌. എന്നും ലേറ്റായി താനത്‌ കളഞ്ഞുകുളിക്കും.

തലേദിവസത്തെ My Documents മുഴുവന്‍ Table-ല്‍ ചിതറിക്കിടക്കുന്നു. ഭാഗ്യം!. Jboss ഇതുവരെ Enter ചെയ്തിട്ടില്ല. Documents എല്ലാം എടുത്ത്‌ ഷെല്‍ഫിന്റെ stack-ലേയ്ക്ക്‌ push ചെയ്തതിനുശേഷം നേരെ System ത്തിനു മുമ്പില്‍ ഇരുന്നു. കുറച്ചുദിവസമായി പുതുതായി develop ചെയ്തുകൊണ്ടിരിക്കുന്ന software തനിക്കൊരു വെല്ലുവിളിയായിട്ട്‌. ഇന്നു ഇതിന്റെ പ്രശ്നങ്ങളെല്ലാം fix ചെയ്തിട്ടേ ഇനി വിശ്രമമുള്ളൂ.

Oh! my binary digit god! സമയം പോയതറിഞ്ഞില്ല. ഇന്നെങ്കിുലും ഈ ലോകം മുഴുവനും binary system കൊണ്ടുനിര്‍മ്മിതമാണെന്നും എല്ലാം നിയന്ത്രിക്കുന്നത്‌ ഇതേ binary system തന്നെയുമാണെന്നുമുള്ള തന്റെ വിശ്വാസം Eudora-യെ കൊണ്ട്‌ അംഗീകരിപ്പിക്കണം. സമയം രാത്രി 10:30. ഓഫീസില്‍ Mr.RAM ഒഴിച്ചു എല്ലാവരും പോയിക്കഴിഞ്ഞു. നേരത്തേചെല്ലാമെന്ന് Eudora-ക്കു Word കൊടുത്തതാണ്‌. Eudora-യ്ക്ക്‌ കൊടുത്ത Word Document താന്‍ Develop ചെയ്ത പുതിയ Software-ല്‍ embedd ചെയ്ത്‌ അലിഞ്ഞില്ലാതെയയി. അവസാനത്തെ private bus-ഉം പോയിരിക്കും. കുഴപ്പമില്ല. RAM നു സ്വന്തമായി ബൈക്ക്‌ ഉണ്ട്‌. Drag ചെയ്ത്‌ home page-ല്‍ Drop ചെയ്യാന്‍ പറയാം.

ബൈക്കില്‍ യാത്ര ചെയ്ത്‌ home-page-ല്‍ എത്തിയപ്പോള്‍ വളരെ വൈകി. രാത്രിയുടെ screen saver പോലെ വീടിനു ചുറ്റും മഞ്ഞ്‌ ഒഴുകി നടക്കുന്നത്‌ e-നിലാവില്‍ environment-നു മനോഹാരിത്‌ പകരുന്നു. ഇതേ മഞ്ഞ്‌ തന്നെയാണു RAM-നു drive ചെയ്യാന്‍ ബുദ്ധിമുട്ടുണ്ടാക്കിയത്‌. കോളിംഗ്‌ ബെല്‍ function ചെയ്യുന്നില്ല. power കട്ട്‌ ചെയ്തതാണെന്നു തോന്നുന്നു. ഉറക്കെ വിളിച്ചിട്ട്‌ volume വരുന്നില്ല. മഞ്ഞുകൊണ്ടു sound card തകരാറിലായെന്ന് തോന്നുന്നു. പലവട്ടം ഡോറില്‍ click ചെയ്തിട്ടാണ്‌ Eudora വാതില്‍ തുറന്നത്‌.

oh my bit god! Eudora-യ്ക്കെന്ത്‌ പറ്റി? രാവിലെ പോയപ്പോള്‍ എന്റെ IBM Laptop പോലെ കറുത്തിരുന്ന അവളുടെ മുടി ഇതാ അവിടവിടെ വെളുത്തിരിക്കുന്നു. വിശ്വസിക്കാന്‍ പറ്റുന്നില്ല. താന്‍ വീട്ടില്‍ നിന്നില്‍ ഇറങ്ങിയിട്ട്‌ വര്‍ഷം 20 കഴിഞ്ഞുവെന്ന് Eudora പറഞ്ഞു. കഴിഞ്ഞ 20 വര്‍ഷക്കാലമത്രയും താന്‍ computer-നു മുന്‍പില്‍ ഇരിക്കുകയായിരുന്നുവെന്ന സത്യം ഒരു flash screen പോലെ മനസ്സില്‍ മിന്നിമറഞ്ഞുകൊണ്ടിരുന്നു.

6 comments:

പെരിങ്ങോടന്‍ said...

കൊള്ളാം, Eudora version 1 & 2 എന്നെഴുതിയതു് ഇഷ്ടപ്പെട്ടു.

RR said...

ഇതു കുറേ കാലം മുമ്പ്‌ ഒരു forwarded mail ആയിട്ടു കിട്ടിയിരുന്നു. താങ്കള്‍ ആണല്ലേ എഴുതിയത്‌. നന്നായിട്ടുണ്ട്‌.

ഇത്തിരിവെട്ടം|Ithiri said...

ഹരിശ്രീ അസ്സലായി..

ഓ.ടൊ. ഇതാണൊ കമ്പ്യൂട്ടര്‍ മാനിയ ഡോക്ടര്‍..

ഹരിശ്രീ said...

അഭിപ്രായങ്ങള്‍ക്കു നന്ദി. ഒരു ചെറിയ സംശയം. ബൂലോകത്തില്‍ പുതിയതായതുകൊണ്ടു ചോദിക്കുകയാണു. ഇങ്ങനെ ഒരു ബ്ലോഗ്‌ വന്ന കാര്യം നിങ്ങള്‍ എങ്ങനെ അറിഞ്ഞു? അഥവാ മലയാളത്തില്‍ പോസ്റ്റു ചെയ്യ്പെടുന്ന മറ്റു ബ്ലോഗുകളെക്കുറിച്ചു എങ്ങനെ കാതോര്‍ക്കാം?

ഹരിശ്രീ said...

കിട്ടിപ്പോയ്‌. വക്കാരിമഷ്ടായുടെ ലേഖനത്തില്‍ നിന്നും ഈ ലിങ്ക്‌ കിട്ടി. നന്ദി മഷ്ടാ.

http://thanimalayalam.org/

മൂര്‍ത്തി said...

ഇത് കൊള്ളാലോ..